Një nga hokeistët më të mirë në botë të të gjitha kohërave, Jaromir Hagr, vendosi që ta vazhdoi ende karrierën e tij në fushën e akullt të hokeit, megjithëse është 45 vjeç. Në sezonin e ri të NHL-së që filloi, këto ditë, ky hokeist legjendar çek do të mbajë veshur bluzën e ekipit Kalgari Flejms, duke nënshkruar me këtë të fundit një kontratë njëvjeçare me vlerë një milion dollarë.

Hokeisti Jaromir Jagr ka debutuar në vitin e largët 1990 në NHL me bluzën e ekipit Pitsburg Pinguins, me të cilin fitoi dy tituj kampioni (më 1991,1992). Gjithsej, në karrierën e tij të deritanishme në ligën më të fortë të botës, ai ka luajtur 23 sezone, gjithsej 1711 ndeshje, ndërkohë që në “bagazhin” e tij e ka mbledhur 1914 pikë (765 gola dhe 1149 asistenca). Para tij, sa u përket pikëve, ndodhet vetëm hokeisti legjendar amerikan Uein Grecki (2857 pikë). Jagri ka luajtur në NHL me nëntë ekipe.

Sfidanti.al