Forma e shkelqyer e Maks Vershtapen qe u pa gjate provave te lira, u konfirmua edhe ne ato zyrtare te Cmimit te Madh te Meksikes ne Boterorin e Formula 1. Piloti i Red Bull do te niset i pari me garen e sotme pasi fitoi pole position ne pisten Hermanos Rodriguez. Holandezi i mbylli kualifikueset me kohen 1 minute 14 sekonda e 759 te mijtat duke mundur me vetem 26 te mijtat shokun e tij te skuadres Daniel Riçardo qe u detyrua te kenaqej me vendin e dyte.

Vija e dyte e startit te gares eshte plotesuar nga Ljuis Hamilton i pozicionuar ne vendin e trete me 135 te mijtat me shume dhe Sebastian Fetel me 211 te mijtat me shume se Vershtapen. Mercedes dhe Ferrari jane edhe ne vijen e trete te startit te gares me dy finlandezet Valteri Botas dhe Kimi Raikkonen te poziciouar respektivisht ne vendin e peste dhe te gjashte. Dhjeteshen e piloteve me te shpejte ne provat zyrtare e plotesuan Hukjenberg, Sainz, Leklerk dhe Erikson.

Sfidanti.al