13 vjet pas garës së fundit të zhvilluar nga Mikael Shumaher me Ferrari, një tjetër Shumaher është gati të drejtojë makinën Kokëkuqe. Bëhet fjalë për djalin e legjendës së Formula 1, Mik Shumaher që është tashmë në programin e Ferrari Driver Akademi, me 20 vjecari që për herë të parë do të drejtojë një makinë të Formula 1.

Piloti i talentuar gjerman do të jetë në pistë me Ferrari SF90 në 2 prill në Bahrein në testet që do të zhvillohen në pistën e këtij vendi, ndërsa në ditën e dytë ai do të drejtojë makinën Alfa Romeo C38, një lajm ky që zbulohet nga revista gjermane Autosport.

Mbetet vetëm që e gjithë kjo të bëhet zyrtare, por debutimi në testet me Ferrarin do të jetë për Shumaher Xhunior kulmi i një jave intensive duke qenë se vetëm pak ditë para këtyre testev do të bëjë debutimin edhe në kampionatin e Formula 2, me garën që do të zhvillohet pikërisht në Bahrein.

Mik Shumaher, nuk ka drejtuar asnjëherë një makinë të Formula 1 të kohëve të fundit dhe ka provuar një makinë Beneton të vitit 1994, që ishte makina e babait të tij Mikaelm gjatë një ekzibicioni në SPA.

sfidanti.al