Sa nerva të forta paska patur ky Ernest Muçi!  Me nervat e tij po luan aq shfrenuar trajneri Silvinjo, sa ndonjëherë dyshon se mos na përsëritet historia me qenin e Pavlovit, që ngacmonte nervat e tij  atje ku s’mbante. Kujt nuk i vjen radha në Kombëtare për të luajtur disa minuta “të arta”, nga ato që bekohen si qoka të trajnerit për menexherët e futbollistëve. Vetëm Ernest Muçi është i braktisuri i madh !

Sa ironike  është kur dëgjon nëpër studio shprehjen shumëpërdorimshe “se Muçi duhet ta rrëmbëje fanellën e jo t’i japin”. Po të tjerët që futen si me parashutë në formacionet e Silvinjos, as  nuk flitet për rrëmbim fanellë, flitet më zë të ulët  për shkëmbime qokash.  Edhe me Andorën mikroskopike,  për të cilën doli anektoda se ishin “11 turistët e parë”të këtij sezoni,  nuk pati disa minuta për Muçin e talentuar kur luan jashtë dhe i pazoti sapo vjen në Kombëtare. Ky Muçi  paska patur qimen e derrit, mirë që nuk e do  trajneri Silvinjo ose ka marre urdher nga lart, por edhe ..vetë Qeveria i paska thënë futbollistit se po nuk ndërrove menexher, nuk do të luash në Kombëtare…

Sfidanti.al