Trajnerëve u kemi prerë  gjuhën në shumicën e rasteve, por kur rebelojnë ca  në mikrofon.. shtypet butoni i përgjimit nga “godina me gjethe”në FSHF. Këtë javë që përcollëm,  dy trajnerë, më i miri i sezonit në vazhdim dhe më i miri i sezonit që kaloi, pra Tetova i Egnatias dhe Shehi i Partizanit, kanë lënë gjurmë  në mikrofon, më shumë se ekipet e tyre në fushë…

Kur e pyetën trajnerin Shehi pas ndeshjes me Vllazninë  për perfomancën zhgenjyese  të “demave”, ka thënë pak a shumë: “  A do të na hiqen pikët të gjithëve në fund të kampionatit, përse u dashka të kërkoni  nivel gjatë ndeshjeve..”

Ndërsa trajneri Tetova i Egnatias , shkoi edhe më larg, denoncoi një “tabu të vjetër”, dhunën  pas ndeshjes me Erzenin : “ Kisha frikë gjatë ndeshjes sepse të fortët erdhën dhe na kërcënuan. Pati edhe përleshje fizike..”

Cilët ishin të fortët ? Edhe të fortët e Komisionit te Disiplines mbushin brekët ne të tilla raste.  Thonë se ishte “dhunë e menaxhuar” me stil empatik , pra ata lart në zyra  e dinin se çdo të ndodhte poshtë…në popull. Dhe në të tilla raste, nuk dënohet shpërblesa e dhunës, pritet të futet në rreth  trajneri Tetova, i cili kallzoi frikën publikisht…

Sfidanti.al