“Falënderoj trajnerin për minutat që po më jep. Dua të vazhdoj të punoj shumë dhe më pas do të shohim se çfarë do të ndodhë”. Kështu nis intervista e mesfushorit kuqezi, Kristjan Asllanit për DAZN pas Inter-Roma, të fituar nga zikaltërit me rezultatin 1-0.

Çfarë të ka kërkuar Inzaghi? Luani në një ekip ku keni shumë konkurrencë.

“Të bëj skuadrën të rrotullohet. Megjithatë kjo është edhe fat, kam përballë Calhanoglun, i cili është një nga lojtarët më të rëndësishëm në botë dhe e admiroj. Unë jam duke u përmirësuar shumë me të, e shikoj”.

Çfarë këshille ju jep?

“Shumë, veçanërisht për t’u përmirësuar në fazën e mbrojtjes sepse është e vërtetë”.

Si e komentoni aksionin e golit?

“Më pëlqen të ndryshoj lojën, pashë Dimarcon që ishte i lirë dhe më pas ai bëri një kontroll të madh. Djemtë u treguan të zotë”.

Në goditjen e fundit të Cristantes, Acerbi dhe Bastoni ju folën. Sa mendoni se jeni rritur nga pikëpamja mbrojtëse?

“Në këtë vit e gjysmë kam punuar shumë për të, ndjej se jam përmirësuar, por ka vend për përmirësim si në atë rast. Mendova se Frattesi ishte aty, por ndoshta duhet të kisha dalë sepse isha më afër”.

Ju ka ardhur në mendje për të shkuar dhe për të luajtur diku tjetër?

“Është normale që të gjithë duan të luajnë, por këtu mesfusha është e fortë. Kishte disa zëra, por fola me klubin që donte të më mbante dhe më bëri të ndjeja besimin e tyre, kështu që vendosa të qëndroj. Jam i lumtur të jem këtu me këta lojtarë”.

Sa e dobishme është përvoja që keni me ekipin kombëtar?

“Tani trajneri i ri po më ndihmon dhe po më jep minuta. Jam rikthyer me dy ndeshje nga 90′ dhe kjo më ndihmon, shpresojmë që edhe atje të arrijmë ëndrrën tonë”.

Ishte një javë ndryshe nga të tjerat për çështjen e Lukakut?

“Nuk kemi folur për këtë, secili bën zgjedhjet e veta: ai ka bërë të tijën dhe ne jemi të lumtur. Do të ndalem këtu, nuk dua të vazhdoj me temën sepse nuk jam unë ai që duhet të thotë gjëra”.

 

sfidanti.al