“Gjatë këtyre ditëve po punojmë ende në aspektin fizik, por po insistojmë edhe në pjesën taktike, atë që nevojitet për përgatitjen e ndeshjeve: që nesër kemi një ndeshje të vështirë dhe duhet ta përgatisim mirë,” tha mbrojtësi i Napolit, Amir Rrahmani, në mikrofonat e Radio Crc.

“Napoli-Brest? Duhet të jemi më të kujdesshëm në mbulim, të ndjekim më mirë kundërshtarët. Duhet të përmirësohemi, të shënojmë më shumë gola, të jemi më të rrezikshëm në sulm. Edhe pse natyrisht duhet të marrim parasysh lodhjen nga kampi përgatitor dhe puna e madhe,” shtoi ai.

Për fazën mbrojtëse, Rrahmani tha: “Gjithçka varet nga sa jemi të përqendruar, sa të fortë jemi në duelet një kundër një dhe sa e bëjmë presionin të lartë. Kur e gjithë skuadra bën presion të fortë dhe të lartë, për ne mbrojtësit bëhet më e thjeshtë.” “Jam mirë në krah me Beukeman, është një lojtar që kupton atë që i thuhet: është shumë inteligjent dhe është përshtatur mirë me stilin tonë të lojës. Ai më ka kërkuar këshilla, natyrisht, edhe pse trajneri i jep udhëzime në video dhe stërvitje. Ne të gjithë përpiqemi të ndihmojmë çdo shok, të jemi efikas dhe të mbrojmë mirë,” deklaroi më tej Rrahmani.

“Ende po bëjmë fazën atletike, por po përgatisim edhe ndeshjen Napoli-Girona nga ana taktike. Ata janë një skuadër shumë e fortë, luajnë shumë mirë futboll dhe kanë lojtarë cilësorë: po përpiqemi ta përgatisim ndeshjen sa më mirë,” shtoi ai.

“Do të jetë një sezon i vështirë, sepse do të kemi shumë ndeshje, por duhet të jemi të përgatitur. Secili prej nesh është gati të luajë shumë ndeshje në një sezon të vetëm: ne punojmë çdo ditë për këtë. Kemi një dhomë zhveshjeje me djem të mirë. Nuk ka vetëm një lider, të gjithë përpiqemi të ndihmojmë blerjet e reja që vijnë këtu,” përfundoi Rrahmani.

sfidanti.al