Interi do të luajë ndeshjen e radhës në kampionat në dielën në mbrëmje në transfertë kundër Monzas. Por, trajneri Simone Inzaghi po mendon edhe për ndeshjen kundër Manchester City në Champions League, që do të luhet të mërkurën. Tekniku zikaltër synon që të paraqitet sa më mirë në të dyja këto takime, prandaj ka planifikuar disa ndryshime në formacionin titullar për ndeshjen e së dielës.

Kapiteni Lautaro pritet të nisë ndeshjen nga stoli kundër Monzës, ndërsa titullarë në fushë në sulm do të jenë Taremi dhe Thuram. Ndryshime pritet të ketë edhe në mesfushë, me lojtarin e kombëtares kuqezi Kristjan Asllani, që mund të nisë sfidën kundër Monzas si titullar. Edhe Frattesi dhe Zielinski pretendojnë një fanellë titullari në këtë repart. Në mbrojtje pritet të luajnë Dumfries, De Vrij e Carlos Augusto, duke i dhënë mundësinë e pushimit Darmian, Acerbit dhe Bastonit. Pavarësisht ndryshimeve, Inzaghi kërkon ekuilibër në skuadër.