Trajneri spanjoll, Unai Emery vazhdon të shkruajë historinë në Europa League, kompeticion ku konsiderohet një specialist i vërtetë i sukseseve. Me triumfin e fundit të Aston Villa-s në sezonin 2025-26, Emery arriti trofeun e pestë në këtë turne, duke fituar pesë nga gjashtë finalet e luajtura.
Historia e tij e artë nisi me Sevilla-n, ku fitoi tri herë radhazi Europa League në sezonet 2013-14, 2014-15 dhe 2015-16, një arritje që mbetet unike në historinë e kompeticionit. Më pas, ai shkoi pranë një tjetër trofeu me Arsenalin, por e humbi finalen e sezonit 2018-19 përballë Chelsea-t.
Megjithatë, Emery u rikthye sërish në majën e Europës me Villarreal-in në sezonin 2020-21, duke mposhtur Manchester United në finale. Tani, ai e ka përsëritur suksesin edhe me Aston Villën, duke konfirmuar reputacionin si trajneri më dominant në historinë moderne të Europa League.
