Pas transferimit nga Torino te Beşiktaş gjatë merkatos së dimrit, Kristjan Asllani ka bindur drejtuesit e klubit turk me paraqitjet e tij. Tashmë krerët e klubit nga Stambolli po shqyrtojnë mundësinë për të aktivizuar klauzolën e blerjes për mesfushorin, i cili është në pronësi të Interit.
Vendimi përfundimtar pritet të merret në fund të kampionatit, por Beşiktaş ka një objektiv të qartë: të rinegociojë shumën e vendosur prej 11 milionë eurosh plus bonuse. Klubi turk synon të përfitojë një ulje çmimi krahasuar me marrëveshjen fillestare.
Në këtë situatë, dëshira e vetë lojtarit pritet të jetë vendimtare. Nëse Asllani shpreh hapur vullnetin për të qëndruar në Turqi, kjo mund ta shtyjë Interin të ulë kërkesat financiare për kartonin e tij. Mesfushori shqiptar duket tashmë jashtë planeve teknike të trajnerit Cristian Chivu dhe do të ishte i gatshëm të vazhdonte karrierën në Superligën turke, larg Italisë.
