Fushata e vitit 2025 e Bayern po i afrohet fundit.

Jo vetëm që skuadra bavareze është rikthyer te titulli gjerman pas ndërprerjes së shkurtër të Bayer Leverkusen, por ata gjithashtu kanë arritur një dominim të ri.

Ndërsa fituan sezonin e kaluar me një avantazh prej trembëdhjetë pikësh ndaj rivalëve të tyre më të afërt (Leverkusen), këtë sezon, me  pesëmbëdhjetë javë ndeshje të luajtura, ata janë tashmë nëntë pikë përpara Borussia Dortmund, që mban vendin e dytë.

Ekipi i udhëhequr nga Vincent Kompany është një “makineri perfektë” në atdheun e tij dhe ka një rekord të jashtëzakonshëm për ta vërtetuar këtë.

NJË VIT I PLOTË KALENDARIK NË KRYE

Që nga themelimi i Bundesligës në gusht 1963, asnjë ekip nuk kishte arritur të kryesonte tabelën pas çdo dite ndeshjeje në një vit kalendarik.

Kjo u arrit për herë të parë në histori nga Bayern i Vincent Kompany i cili e kaloi të gjithë sezonin 2025 duke i parë me përçmim rivalët e tij.

NË KRYE QË NGA SHTATORI I VITIT 2024

Bayern ka kryesuar kampionatin pa ndërprerje që nga 14 shtatori 2024.

Me të arritur në krye, skuadra bavareze nuk e ka lënë kurrë atë, dhe ndjesia është se mund të qëndrojë atje për një kohë të gjatë.

I SIGURT PËR TITULLIN E KAMPIONATIT TË DIMRIT

Gjatë gjithë këtij sezoni, Bayern ka regjistruar trembëdhjetë fitore dhe dy barazime.

Skuadra bavareze, ende e pamposhtur në turne, ka grumbulluar tashmë 41 pikë, nëntë më shumë se Borussia Dortmund, e vendit të dytë. Tashmë ka siguruar titullin e kampionit të dimrit në javën e pesëmbëdhjetë të ndeshjes.