Futbollisti legjendar portugez Cristiano Ronaldo dhe partnerja Georgina Rodriguez kanë punësuar një shef të ri sigurie. Gjithashtu kanë shkarkuar anëtarët e mëparshëm të ekipit të tyre të sigurisë për shqetësimet në Arabinë Saudite.

Superylli portugez, i cili jeton në kryeqytetin e Arabisë Saudite, Riad, me Georginën dhe pesë fëmijët e tyre, u detyrua të forcojë sigurinë e familjes së tij, pasi mori disa kërcënime alarmante në mediat sociale, të cilat thuhet se shkaktuan ndërhyrjen e policisë. Sipas raportimeve të mediave, çifti kishte jetuar një jetë të qetë dhe paqësore që kur Ronaldo u transferua në Al Nassr në 2023 dhe shijuan fëmijët e tyre dhe udhëtimet në Riad së bashku, por gjithçka ndryshoi kohët e fundit kur ata filluan të merrnin mesazhe shqetësuese në rrjetet sociale, duke e shtyrë Ronaldon të reagonte shpejt. Kështu portugezi ka punësuar ekspertin e sigurisë Claudio Miguel Vaz si truprojën e tij të re kryesore, raporton “Marca”.

Vaz, i cili ndiqet nga rreth 12,000 njerëz në Instagram, është i specializuar në sektorin privat dhe ka përvojë pune në lagje të trazuara dhe ndërtoi reputacionin e tij duke mbrojtur disa muzikantë në zonat e trazuara të Portugalisë, përfshirë reperin NGA.

Vaz ka punuar edhe me futbollistët Rafael Leao e Gelson Martins dhe “Marca” pohon gjithashtu se vendimi për të punësuar atë dhe shkarkimin e stafit të mëparshëm nuk është pritur mirë nga shumë njerëz të afërt me Ronaldon. Thuhet se ka shqetësime për stilin frikësues dhe agresiv të truprojës, i cili është shumë i ndryshëm nga skuadra e mëparshme e Ronaldos dhe thuhet se qasja e Vazit nuk i përshtatet imazhit dhe stilit të jetesës së superyllit portugez, pasi veprimet e tij të mëparshme janë cilësuar si tejet agresive. Kështu gjatë udhëtimit të fundit të Georgina në Paris, Vaz kishte për detyrë të shpërqendronte fotografët ndërsa ajo doli nga automjeti. Ai përdori një elektrik dore të ndezur për të penguar fotografët të bënin punën e tyre, gjë që tërhoqi shumë kritika në rrjetet sociale.

sfidanti.al