Në jetë duhet të kesh interesa të ngjashme, dëshira që të përputhen, dhe kjo krijon edhe dashurinë, edhe respektin reciprok. Duket se nuk ka qenë kështu në rastin e Diego Pablo Simeones dhe ish-të dashurës së tij, italianes Elizabeta Galimi. E njohur edhe si ish-prezantuese e emisionit “Sportitalia”, Elizabeta nuk ngurron të ngrejë në qiell të dashurin e saj të ri, shkrimtarin në moshë të re Alesandro Luçino, dhe të thumbojë të dashurin e vjetër, Simeonen.

“Le ta themi troç, – u shpreh ajo, – ne nuk na tërheq aq shumë trupi me muskuj të skalitur apo fakti se dikush është futbollist, por mendja (testa). Shkëndija me Alesandron u ndez sepse kishim interesa dhe pasione intelektuale të përbashkëta.Është kjo që e ushqen më shumë zjarrin sesa muskujt e dikujt që nuk shkonte përtej diskutimeve për futbollin”.

Kujdes, Elizabeta. “Çolo” ndoshta ishte 100 për qind futboll, por ti e dashurove, ishe në krah të një njeriu që ishte vetvetja edhe pse nuk ishte plotësisht si ty! Ndoshta, Elizabeta, fillimisht të tërhoqën muskujt e Simeones dhe fakti se ai ishte futbollist, edhe këtë duhet ta pranosh troç!

Sfidanti.al