Kryendeshjen e javës së 21-të të kampionatit Abissnet Superiore e fiton Vllaznia. Shkodranët mposhtin 1-0 Partizanin në “Loro Boriçi”, falë golit të shënuar nga Kastrati në pjesën e parë. Vllaznia merr fitoren e katërt radhazi në kampionat dhe fluturon drejt kreut, pasi barazohet me pikë me Egnatian.

Ka qenë e bukur dhe e luftuar sfida e transmetuar drejtpërdrejt në rrjetin e Radio Televizionit Shqiptar. vendasit janë më kërkues dhe arrijnë të zhbllokojnë ndeshjen me një gol të bukur të Kastratit pas 30 minutave lojë.

Partizani mundohet të reagojë, por nuk arrin që të mposhtë portierin Pohls. Vllaznia menaxhon shumë mirë avantazhin dhe arrin të marrë një fitore të rëndësishme përballë një kundërshtari me vlera.

Mbyllet 1-0 sfida në Shkodër. Vllaznia barazohet me Egnatian në kuotën e 39 pikëve në krye të klasifikimit, ndërsa Partizani mbetet në kuotën e 26 pikëve në vendin e 5-të në klasifikim.

sfidanti.al