Dusan Vlahovic dhe Juventus ecin përpara së bashku. Sipas asaj që raporton La Gazzetta dello Sport, sulmuesi serb që mbërriti në Torino nga Fiorentina në janar të vitit 2022 do të ishte gati të zgjaste kontratën e tij edhe në dy vjet për të ndimuar klubin, i cili duhet të amortizojë paratë e investuara tek ai (80 milionë euro). Një akt i vërtetë dashurie nga ana e serbit, kontrata e të cilit skadon në vitin 2026, që i ka dhënë tashmë OK agjentit të tij, Darko Ristiç, disa kohë më parë për të shkuar dhe për të negociuar një rinovim që është veçanërisht i dobishëm për bardhezinjtë për të lehtësuar buxhetin e tyre. Vlahovic aktualisht ka një kontratë me një pagë në rritje e cila filloi nga 7.5 milionë euro (plus bonuse), sot, garanton rreth 10 milionë dhe në 2026 do të arrijë në 12. Giuntoli po studion formulën më të mirë për të ulur kostot e amortizimit të sulmuesit duke ruajtur të njëjtën pagë dhe për momentin ideja është ajo e një shtyrje dyvjeçare (deri në 2028). Kontaktet e para mes drejtorit të bardhezinjve dhe agjentit të serbit ishin pozitive, hapja për të folur për zgjatjen u përsërit nga të dyja palët, por për momentin nuk është caktuar një datë. Në fakt, Giuntoli ka shtyrë çdo diskutim deri në pranverë, kur do të ketë siguri më të madhe për të ardhmen dhe mbi të gjitha për buxhetin në dispozicion, sepse pjesëmarrja e mundshme në Champions League dhe mbi të gjitha në Kupën e Botës për Klube do të sillte dukshëm më shumë para në arkat e Juventusit.

sfidanti.al