Thiago Silva po përpiqet t’i luajë të gjitha shanset për të bindur trajnerin Carlo Ancelotti që ta grumbullojë për Botërorin 2026. Mbrojtësi brazilian është gati të lërë vendin e tij për të kaluar sërish në Europë. Milani është një destinacion i mundshëm. Sipas “Globo Esporte”, Silva ka takuar shokët e skuadrës te Fluminense, pas gjysmëfinales së kthimit të kupës së Brazilit, të humbur me penallti ndaj Vasco da Gama.

Mbrojtësi veteran ka dëshirën të kthehet në Europë për të qenë afër familjes që jeton në Londër, por edhe për të luajtur në nivel të lartë, në mënyrë që të mos e humbasë Botërorin para se të mbyllë karrierën. Thiago Silva ka vendosur të shkojë aty ku ndihet mirë, ndoshta te Milani që e bëri të madh, por në këtë rast duhet të merren parasysh edhe dyshimet e klubit kuqezi.

Sepse 41 vitet e brazilianit e frikësojnë pak Milanin. Tare në fakt po mendon për një profil më të ri, që të jetë rezervë për repartin e prapavijës. Prania e Thiago Silvës mund të prishë ekuilibrin e gjetur nga Massimiliano Allegri dhe hierarkitë, kështu që vullneti i lojtarit mund të mos mjaftojë.

Sfidanti.al