Trajnerët e ekipeve kombëtare pjesëmarrëse në Europian do të takohen për të diskutuar rritjen e numrit të lojtarëve të grumbulluar për aktivitetin më të madh të kontinentit që do të zhvillohet në verë, në Gjermani. UEFA do të dëgjojë trajnerët për të kuptuar nëse do të ndryshojë ose jo numrin e lojtarëve, nga 23 në 26. Ndër trajnerët që e kanë kërkuar një gjë të tillë publikisht, është trajneri i Anglisë Southgate dhe i Holandës, Koeman. Trajneri i Kombëtares shqiptare Silvinho, deklaron për Top Channel një version tjetër të këtij ndryshimi që po kërkohet. “Nëse nuk ka lëndime, puna me 26 sportistë më duket e tepërt. Për mua, mundësia për të zëvendësuar një lojtarë të dëmtuar do të ishte zgjidhja më e mirë. Për momentin mund të ndërrojmë një sportist në rast dëmtimi dhe kuptoj që deri në tre sportistë mund të zëvendësohen në rast dëmtimi, deri në ditën e debutimit në garë. Nuk është e lehtë të zgjidhet sepse çdo trajner ka nevoja të ndryshme”, deklaroi Sylvinho.

sfidanti.al