Ishin dy të tillë që ndihmuan ekipet në ndeshje që përfunduan mjaft mirë. Valon Ethemi dhe Kristi Qose, edhe pse nuk janë pjesë e kombëtares, nuk mund të thuhet se nuk vlejnë, përkundrazi. Ethemi, ish-lojtar i Kukësit, ishte autor i dy asisteve për Istanbulsporin në ndeshjen e Ligës së Parë të Turqisë ndaj Altinordusë. Përballja përfundoi 3-0 dhe mesfushori shqiptar shërbeu asistin për dy golat e parë, në mungesë të dy lojtarëve të tjerë kuqezinj si Eduart Rroca dhe Kristal Abazaj. Shumë i mirë Kristi Qose në Superligën e Republikës Çeke. Mesfushori korçar, që ishte me kombëtaren deri në ndeshjen ndaj Francës, shërbeu asistin e golit të parë për ekipin e tij, Karvina, në barazimin shtëpiak 3-3 ndaj kampiones në fuqi, Sllavia e Pragës.

Sfidanti.al