Miqësorja në Klagenfurt ka zgjuar interesim të jashtëzakonshëm dhe për qytetarin normal austriak, 29 deri në 39 euro që duhet të paguajë për biletën nuk janë ndonjë gjë e madhe. Në stadiumin “Vërterze” luajnë Reali i Madridit e Milani, dy ekipet më të lavdishëm të Championsit, dhe publiku i Klagenfurtit nuk e humb rastin. Për më tepër në krahinën e Karintisë nuk  ka kufizime për tifozët në stadium,  pra të 30 000 biletat u vunë në dispozicion.  Ato u shitën përë 27 orë, dhe s’kishte si ndodhte ndryshe kur në një krah luan David Alaba dhe në tjetrin Ibrahimovic, ndonëse suedezi nuk është në formën e duhur.

Sfidanti.al