Nga mbrojtja në sulm, Partizani ka zyrtarizuar blerjen e dy lojtarëve. Bëhet fjalë për qendërmbrojtësin Mateo Çipi, 20 vjeç, dhe sulmuesin Blessing Eleke, 28 vjeç. Çipi vjen nga ekipi slloven, Triglava dhe ka firmosur për për 4 vite e gjysëm. Eleke eksperiencën e fundit e ka me Istiqol në Taxhigistan, ndërsa më parë ka luajtur me skuadra të njohura, në Belgjikë apo Turqi.

Njoftimi i klubit:

FK Partizani me kënaqësi zyrtarizon arritjen e transferimit të Mateo Çipit nga ekipi slloven Triglava. Qendërmbrojtesi i talentuar tashmë do të jetë pjesë e Partizanit, pasi ka firmosur me të kuqtë një kontratë për 4 vite e gjysëm. 20 vjeçari Çipi njëkohësisht kontigjent edhe i ekipit tonë përfaqësues U-21 shihet si pjesë shumë e rëndësishme e projektit afatgjatë të klubit. FK Partizani me kënaqësi zyrtarizon afrimin e Blessing Eleke. Klubi ka arritur marrëveshjen me sulmuesin nigerian, i cili bashkohet me të kuqtë pas eksperiencave te disa prej ekipeve mjaft me emër në arenat europiane. Qendërsulmuesi 28 vjeçar konsiderohet një tjetër përforcim cilësor në  merkaton e janarit dhe do të jetë një tjetër vlerë e shtuar e repartit ofensiv të ekipit.