Sulmuesi i Mallorca-s, Vedat Muriqi, i falënderoi “të gjithë për mbështetjen e tyre” pasi tejkaloi Samuel Eto’o si golashënuesi më i mirë i klubit në LaLiga, 55 gola, me dy gola të shënuar kundër Rayo Vallecano (3-0).

“Që kur kam mbërritur këtu, në këtë ishull të bukur, e kam ndjerë sikur është shtëpia ime. Ndonjëherë, kur fillon nga dita e parë dhe vëren diçka të ndryshme, thjesht e ndjen. Dashuria ime me Mallorcën ka qenë e mrekullueshme. Kur qëndrova, e dija se doja të bëhesha legjendë këtu. Faleminderit të gjithëve që më ndihmuat të përmbush një nga ëndrrat e mia: të tejkaloj Samuelin, të tejkaloj veten time. Me shtatë ndeshje të mbetura, dua të shkoj sa më larg që të mundem”, deklaroi ai.

sfidanti.al