Lajme të rëndësishme për transferimet te Milani, me të ardhmen e Theo Hernandez që vazhdon të tërheqë vëmendjen duke pasur parasysh vendimin e kuqezinjve për të mos rinovuar kontratën me francezin dhe për pasojë ta nxjerrë atë në treg. Atletico Madrid paraqiti një ofertë prej 15 milionë eurosh për mbrojtësin francez, por propozimi u konsiderua shumë i ulët nga drejtuesit e kuqezinjve, të cilët e vlerësojnë lojtarin shumë më tepër.

Ndërkohë, ka interes të fortë nga Al-Hilal, skuadra e re e Simone Inzaghi-t, për Theo Hernandez. Klubi saudit e ka identifikuar mbrojtësin e Milanit si profilin ideal për ta përfshirë në skuadër dhe e konsideron atë një zgjedhje absolute të parë. Megjithatë, për momentin, nuk ka shenja hapjeje nga vetë Theo Hernandez, i cili duket se i reziston lajkave që vijnë nga Arabia Saudite.

sfidanti.al