– Përse trajneri Milinkoviç i Luftëtarit e çmon si fitore të madhe ndeshjen me Partizanin që bëri lojë të “vogël”?

– Sepse ajo që ndodhi në fushë shkoi përtej turpit me dy gola, sepse askush nuk e kishte zvogëluar në atë mënyrë sa e privoi edhe vajtjen në ..portë!

-Përse sulmuesi i Kukësit, Pero Pejiç ka  bërë përsëri një gol tjetër kur ka thënë se Partizani në Gjirokastër ishte me fat se gjërat mund të kishin shkuar edhe më keq?

-Sepse  kroati  nuk harron fjalët me helm të klubit të kuq kur thonin se Kukësi di të shënojë vetëm kur japin assist arbitrat…

-Përse pas asaj që ndodhi me tifozët e Tiranës që arritën edhe të qëllonin futbollistët e tyre për shkak të tradhëtisë, klubi  deklaronte me frikë dhe pa moral se ..e kishte mirëkuptuar arsyen e dhunës së tyre?

-Sepse edhe vetë trajneri Josa, më kampioni midis trajnerëve në qarkullim, kur është pyetur nga tifozët  ka ngritur flamurin e bardhë, sa  hap e mbyll sytë, duke thënë: “ Jam me ju, Partizani nuk duhet të luajë në Stërmasi”..

– Përse Skënderbeu kampion edhe përballë Flamurtarit ka vuajtur shumë për të fituar me një gol, bile vlonjatët thanë se “ ma futën dorën në xhep”?

-Sepse  nuk është më ai ekipi që luante futboll  të atillë, që edhe të poshtëronte në fushë, edhe nuk të linte të qaje..

-Përse presidentët Demi dhe presidentin Halili pranuan  të shfaqeshin në ekran si dy  “ nxënës kokëfortë” për t’u pajtuar  nga kryetari Veliaj?

-Sepse thonë se kryetari t i humbet magjiaq  larg ekranit, por me sinqeritet u paska thënë: “ Presidenti Duka iu nxit kundër njëri tjetrit, ndërsa mua  më duhet t’iu  bashkojë..”

-Përse futbollisti  i bujshëm i Luftëtarit, Abazaj ka deklaruar pas ndeshjes se sa herë kapte topin i dukeshin si manekinë futbollistët që thonin se ..ishijn nisur për titullin kampion?

-Sepse  çunat e Partizanit ishin nisur në Gjirokastër jo vetëm për t’i  marrë portën peng, por edhe kalanë e qytetit..