Mbrojtësi shqiptar Elseid Hysaj ndodhet në një situatë delikate te Lacio, pasi është përjashtuar nga lista e lojtarëve të thirrur për Serinë A. Kjo e bën atë në të gjitha aspektet një tepricë luksi, sidomos duke pasur parasysh pagën e tij vjetore prej 2.8 milionë euro, që e pozicionon atë si një nga lojtarët më të paguar në skuadrën e bardhekaltërve. Pavarësisht kësaj, tregu i transferimeve nuk ishte në gjendje t’i gjente atij një shtëpi të re gjatë afatit kalimtar të fundit. Hysaj është lojtari i tretë më i paguar i Lacios, por aktualisht është jashtë projektit teknik. Kjo e bën atë një të tepërt të vështirë për t’u menaxhuar, veçanërisht në një kontekst në të cilin klubet evropiane duket se i kanë kthyer shpinën idesë së transferimit të tij. Pavarësisht situatës së komplikuar, ende nuk përjashtohet plotësisht mundësia e një lamtumire. Dyert e merkatos në Turqi dhe Arabinë Saudite janë ende të hapura dhe mund të ketë disa klube të interesuara për të marrë kontratën e Hysajt. Megjithatë, situata nuk është aspak e thjeshtë: rroga e lartë dhe mungesa e paraqitjeve bindëse sezonet e fundit e bëjnë mbrojtësin shqiptar një investim të rrezikshëm për shumë skuadra. E ardhmja e Elseid Hysajt është e mbuluar me pasiguri. Nëse një transferim nuk realizohet, lojtari mund të mbetet në periferi të projektit të Lacios, me pak shanse për të dalë në fushë. Ky skenar përbën një problem si për lojtarin, i cili do të shihte mundësitë e tij për të luajtur, ashtu edhe për Lacion, që do të vazhdojë të paguajë një rrogë të rëndë pa marrë në këmbim kontribute në fushë.

sfidanti.al