Real Madrid ka marrë një lajm të rëndësishëm dhe qetësues në prag të një prej ndeshjeve më të rëndësishme të sezonit. Pas disa ditësh pasigurie dhe tensioni, skuadra spanjolle do të ketë në dispozicion të gjithë grupin e lojtarëve për sfidën ndaj Arsenalit në çerekfinalen e Ligës së Kampionëve. UEFA ka përfunduar hetimin e nisur ndaj katër prej futbollistëve kryesorë të madrilenëve dhe ka vendosur të mos aplikojë pezullime, duke i dënuar lojtarët vetëm me gjoba. Vinicius Junior, Kylian Mbappe, Antonio Rudiger dhe Dani Ceballos ishin në qendër të vëmendjes pas sjelljeve të tyre gjatë ndeshjes së kthimit ndaj Atletico Madrid, në raundin e mëparshëm të Ligës së Kampionëve.

UEFA vendosi të hapte një hetim disiplinor për incidentet që ndodhën pas përfundimit të ndeshjes, duke ngritur akuza për gjeste provokuese, të pahijshme dhe përplasje me tifozët.

sfidanti.al