Mirlind Daku, i cili ka përfunduar nën hetimin e UEFA-s për sjelljen e supozuar të papërshtatshme në fund të ndeshjes me Kroacinë, ka reaguar me një postim në rrjetet sociale duke kërkuar falje. “Emocionet e ndeshjes bëjnë të vetën,-  është shprehur ndër të tjera Daku, – Ndjesë nëse kam fyer dikë pas ndeshjes me Kroacinë”.

Postimi i Dakut:

Përshëndetje të gjithëve

Së pari dua të jem falenderues ndaj të gjithë atyre që na kanë përkrahur në momentet e mira dhe të vështira në Euro 2024.

Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashni pa kufi, ashtu siç është dhe moto jonë, “Shqipëri dashni pa kufi”.

Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona.

Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar.

Me respekt,

Mirlind Daku.