Antonio Cassano nuk është nga ata që kursen fjalët. Në Romë nuk flitet për asgjë tjetër përveç lamtumirës së mundshme të Paulo Dybala, një hap larg transferimit të bujshëm në Arabinë Saudite. Ish-lojtari nuk e sheh si pjesa më e madhe e tifozëve verdhekuq dhe përpiqet t’i ngushëllojë duke thënë mendimin e tij për argjentinasin. E si gjithmonë ai nuk i kursen gjykimet e tij, të cilat janë gjithmonë të qarta dhe të ashpra si dhe jashtëzakonisht të debatueshme. Kësaj radhe ai u përqendrua te Joya dhe, mbi të gjitha, gjendja e tij fizike. Cassano mendon se ish-lojtari i Juventus është i mbivlerësuar dhe për më tepër, për të, De Rossi ka tashmë një zëvendësues më të fortë, më të ri dhe më të besueshëm për t’u fokusuar menjëherë.

Ish-talenti barez nuk ka dyshime kur flet për argjentinasin. Gjatë programit Viva el Futbol, në të cilin ai merr pjesë bashkë me Lele Adani dhe Nicola Ventola, Cassano foli për situatën aktuale të Romës dhe në veçanti për lamtumirën e mundshme të Dybala. Lojtari është gati të transferohej në Arabinë Saudite, ku tashmë ka gjetur një marrëveshje ekonomike me Al Qadsiah, një lëvizje e papritur në rrugën e tij që dukej e destinuar për të vazhduar në Serie A. Megjithatë, ish-lojtari ka dashur të lehtësojë tifozët verdhekuq. Për të, Joya është një lojtar i mbivlerësuar dhe shumë i dobët nga pikëpamja fizike, duke pasur parasysh historinë e tij të karakterizuar nga dëmtime të ndryshme: “Dybala është i mbivlerësuar. Ai ka shtypin në favor, që e bën të duket si si fenomen. Ai ka një fizik m*ti, me një teshtimë ai qendron jashtë fushës për 15 ndeshje. Në Romë mund të qash ose të ankohesh nëse ikën Totti, jo nëse ikën Dybala. Po bëjnë rrëmujë, por e para vjen Roma, pastaj De Rossi, pastaj Dybala dhe lojtarët”.

sfidanti.al