Konfederata Braziliane e Futbollit (CBF) dhe trajneri italian Carlo Ancelotti kanë arritur një marrëveshje verbale për të zgjatur kontratën deri në Botërorin 2030. Nënshkrimi zyrtar pritet të bëhet në shkurt, duke hapur një cikël të ri për Seleção-n.

Ancelotti do të kthehet nga pushimet këtë të premte në Rio de Janeiro, ndërsa departamenti juridik i CBF po shqyrton detajet dhe klauzolat e kontratës. Rinovimi pritet të mbajë kushte të ngjashme me kontratën aktuale, përfshirë pagën vjetore prej 10 milionë eurosh dhe bonuset për performancë të përshtatura sipas rezultateve. Trajneri italian është i kënaqur me strukturën aktuale të punës, që i lejon të ndajë kohën mes Kanadasë dhe Brazilit. Ai i ka përshkruar negociatat si të natyrshme dhe të bazuara në konsensus. Lidershipi i tij tashmë ka krijuar pritshmëri të larta për Botërorin 2026, ku Brazili do të garojë në Grupin C. Me këtë rinovim, Ancelotti siguron qëndrimin e tij afatgjatë dhe stabilitetin e ekipit kombëtar brazilian, duke u fokusuar te objektivi kryesor: të kthejë Brazilin në fronin e futbollit botëror.

sfidanti.al