Një futbollist izraelit ka rënë në prangat e policisë turke, pasi akuzohet për nxitje të urrejtjes dhe armiqësi. Bëhet fjalë për lojtarin izraelit të Antalyaspor, Sagiv Jehezkel, i cili thuhet se ka mbajtur qëndrim mbi luftën Izreal-Palestinë. Ai tregoi solidaritet me njerëzit e mbajtur peng nga organizata militante Hamas gjatë një ndeshjeje të kampionatit. Lojtari i tha policisë se ai thjesht po bënte thirrje për t’i dhënë fund luftës, dhe pas shënoi një gol shfaqi një fashë në kyçin e dorës me fjalët “100 Ditë 7.10”. Referencë kjo për 7 tetorin, ditën kur Hamasi sulmoi Izraelin dhe mori me qindra pengje.

Ministri i Drejtësisë, Yilmaz Tunc, tha të dielën vonë se Jehezkel, 28-vjeçar izraelit, është nën hetim mbi akuzat e mundshme për “nxitje të hapur të publikut për urrejtje dhe armiqësi”. Tunc tha në një deklaratë të postuar në X se Jehezkel ishte përfshirë në “një gjest të shëmtuar në mbështetje të masakrës izraelite në Gaza”. Ndërkohë, Antalyaspori e pezulloi Jehezkelin nga skuadra dhe njoftoi se po fliste me avokatët e klubit për mundësinë e ndërprerjes së kontratës së tij. Gjatë marrjes në pyetje në polici, lojtari mohoi akuzat: “Unë nuk jam pro luftës. Dua që ky proces 100-ditor të përfundojë. Dua që lufta të përfundojë. Kurrë nuk jam angazhuar në ndonjë gjë që lidhet me politikën. Nuk kam respektuar askënd që nga dita që kam ardhur. Doja të tërhiqja vëmendjen për përfundimin e luftës.”, tha ai.

sfidanti.al