Sipas Sky Sport Italia tashmë çdo gjë ka përfunduar, Antonio Rudiger, është shitur te Chelsea për 33 milionë euro plus pesë të tjera bonuse, Roma do t’i dorëzojë dokumentet …

Mbrojtësi nuk do të jetë në gjendje t’i kryejë testet mjekësore deri javën e ardhshëm, pasi është në Rusi në Kupën e Konfederatave, ku Gjermania të dielën përballet me Kilin në finale.

Edhe Gianluca Di Marzio raporton të njëjtën histori, duke thënë se gjermani do ta veshë fanellën e “Bluve të Londrës” sezonin e ardhshëm.

Rudiger do të nënshkruajë kontratë pesë vjeçare me Chelsean, ku do të përfitojë 4 milionë funte në sezon.

Kjo shitje ishte e nevojshme për shkak se Roma duhet të balancojë statusin financiar të Fair Play, edhe përkundër se fituan shumë nga shitja e Mohamed Salah te Liverpooli për 42 milionë euro plus 8 të tjera bonuse.

Plani ishte që të largohej Kostas Manolas te Zeniti dhe gjithçka ishte arritur për 35 milionë euro, por mbrojtësi grek refuzoi t’i kryejë testet mjekësore dhe transferimi u bllokua.