Vështirë se do të ketë një ekip më italian dhe më shumë europian sesa ky që do të luajë në stadiumin “Maradona”. i tillë Juventusi i Masimiliano Alegrit që vërtet humbi europianin më të shquar që kishte (Kristiano Ronaldon), por që ndaj Napolit nuk do të ketë yjet e Amerikës Latine. Ndeshjet eleminatore të Botërorit, me lodhjet e tyre dhe me udhëtimet, si dhe rregullat e Kovidit kanë prishur shumë punë. Paulo Dibala, Huan Kuadrado, Betankur, Danilo dhe Aleks Sandro as nuk u morën fare me vete për sfidën e sotme të Serisë A. Alegri thotë se vetëm Kuadrado mund t’ia dilte, por u ndje keq me shëndet dhe mbeti në Kolumbi. Në mbrojtje priten 4 italianë si Kielini, Bonuçi, Pelegrini dhe De Shilio, në mesfushë Mekkeni, ndërsa të rinjtë De Vinter, Sule dhe Mireti do të jenë pjesë e grupit, e madje mund të kenë minuta. “Do të bëjmë një ndeshje të madhe”, – thotë Alegri që sqaron për Ronaldon se “nuk kishte dëshirë që të luante më tej tek Juvja”.

Sfidanti.al