“Trembem më shumë nga Gatuzo sesa nga çdo lojtar që ai mund të hedhë në fushë kundër nesh”. Kjo ishte batuta e Karlo Ançelotit, ndërsa Napoli do të ndeshej me Milanin në javën e dytë të Serisë A. “Partenopeët” ia dolën të fitonin, edhe me me përmbysje dhe me “shpirt ndër dhëmbë”, ndërsa “luftëtari” Gatuzo besohet se rrezikonte shkarkimin.

Veçse, pasardhësi i dizenjuar për të, Antonio Konte, duhet të presë ende për detyrën e re. Milani nuk e la në baltë trajnerin e tij dhe arriti një fitore dramatike ndaj Romës, në një tjetër ndeshje të Serisë A që hodhi poshtë “klishetë” e vjetra. Emocionet ishin tepër të mëdha në “San Siro”, me golin fitues të Kutrones (super zëvendësuesi) në minutat shtesë, me dy gola të anuluar nga VAR-i (nga një për çdo skuadër), dhe me rezultatin përfundimtar 2-1.

Sfidanti.al