Mançester Junajtidi në fushatën aktuale konkurruese nuk po arrin deri atje, ku kishte planifikuar, pra që loja dhe rezultatet të sillnin kënaqësi në “Old Trafford”. Ky klub u eliminua nga Kupa e Ligës dhe në Premier Ligë ka gjithsej 10 pikë mbas shtatë raundesh e ndodhet në vendin e 10-të, kështu që e vetmja gjë pozitive është pozita e Junajtidit në Ligën e Kampioneve, ku ka katër pikë mbas dy ndeshjesh dhe ndodhet në vendin e 2-të në Grupin X.
Në këto kushte, tifozët kërkojnë përgjegjësi nga kryesia e klubit dhe trajneri Murinjo që, gjatë kohëve të fundit, e ka humbur “busullën” dhe ka hyrë në konflikt me disa lojtarë. Shumëkush konsideron se Murinjo do të shkarkohet dhe midis tyre ndodhet edhe legjenda e “djajve të kuq”, Pol Skols, që e kritikon drejtpërdrejt dhe ashpër trajnerin portugez.
Sidoqoftë, ikona tjetër e Junajtidit, Rajan Gigs, mendon ndryshe:
“Murinjo duhet ta vazhdojë punën e tij si trajnar. Ekipi po kalon një periudhë të vështirë. Nëse tani do të ndryshohet trajneri, asgjë nuk do të fitohet, pasi situata do të mbesë e njëjtë. Prandaj, une mendoj se duhet të pritet dhe se Murinjo duhet të vazhdojë që ta drejtojë ekipin”, vuri në dukje Gigsi.
Sfidanti.al