Si lojtar dhe si trajner nuk humbet në këtë konkurrim që nga viti 2004. Me 19 ndeshje të suksesshme, Patrik Vieira padyshim është një nga njerëzit e rëndësishëm në Kupën e Anglisë, dhe do të ketë rast ta shtojë këtë reputacion këtë të diel. Ish-kapiteni i Arsenalit (në foto) do të jetë në stolin e lavdishëm të stadiumit “Uembli” të Londrës, në gjysmëfinalen mes Kristël Palasit të tij dhe Çelsit. Edhe pse Blutë e Londrës kanë fituar 9 ndeshje radhazi ndaj Palasit (që të gjitha në Premier Ligë), Vieira nuk është nga ata që dorëzohen. Një finale në “Uembli” do të ishte diçka e mrekullueshme, dhe me synimin pastaj për ta fituar kupën për herë të parë në histori. Francezi ka fituar 5 kupa me fanelën e Arsenalit. “Nëse do të jemi të përqëndruar, kemi shans që të fitojmë”, – thotë Vieira.

Sfidanti.al