Mesfushori i Barcelonës, Ivan Rakitiç, ndodhet ndoshta në formën e tij më të mirë në karrierë. Kohët e fundit ka pasur spekulime se ky futbollist kroat mund të largohet nga klubi katalonjas, por një gjë e tillë vështirë se mund të ndodhë, sepse bëhet fjalë për një lojtar të rëndësishëm.
Rakitiçi gjatë këtij sezoni në 26 ndeshjet e zhvilluara nga Barcelona ka munguar në vetëm dy prej tyre, ndërkohë që pikërisht nga ky lojtar varet loja krijuese e ekipit.
Sipas mediumeve spanjolle, Rakitiçi është futbollisti që ka dhënë më shumë pasime në La Ligën spanjolle – 2676, nga të cilët 2436 kanë qenë të suksesshëm.
Rakitiçi ose Raketa, sikuse i thonë atij ndryshe, ka ardhur te Barcelona nga Sevilja në vitin 2014.
Sfidanti.al