Andres Injesta pret të luajë ndeshjen e fundit në “Kamp Nou”, ku do të zhvillohet edhe ceremonia madhështore për “lamtumirën” e tij. Ndërkohë, mesfushori emblem i Barcelonës ka pozuar me të 32 trofetë, që janë nxjerrë nga muzeu i klubit dhe janë renditur njëri pas tjetrit në fushën e blertë të stadiumit. Iniesta ishte i shoqëruar në këtë foto të veçantë edhe nga miqtë e tij, si Zhordi Mesajes, fizioterapisti i ekipit, Zhoel Borras, konsulenti i komunikimit dhe imazhit, dhe Sesi Martinez, i cili e ka postuar më pas foton.

Injesta dhe Leo Mesi ndajnë rekordin e titujve në historinë e Barcelonës, me nga 32 të tillë: 4 Kupa Europiane – Champions (2008-09, 2010-11, 2014-15), 9 tituj në La Liga (2004-05, 2005-06, 2008-09 , 2009-10, 2010-11, 2012-13, 2014-15, 2015-16, 2017-18), 3 Botërorë për Klubet (2009, 2011, 2015), 6 Kupa Mbreti (2008-09, 2011-12 , 2014-15, 2015-16, 2016-17, 2017-18), 3 Superkupa Europiane (2009, 2011, 2015) dhe 7 Superkupa të Spanjës (2005, 2006, 2009, 2010, 2011, 2013, 2016).