Mediat janë të ndërtuara “për të krijuar probleme”, veçse në këtë mënyrë edhe mund të ndihmojnë që të zgjidhen. Të paktën në disa raste. Kështu, edhe pas fitores 4-1 të Barcelonës në fushën e Sociedadit, trajneri katalanas duhej të përballonte një “gjyq të vogël”. Ksavi u pyet se përse e la në stol Ansu Fatiun, njeriun që ndryshoi ndeshjen pasi shënoi gol dhe shërbeu 2 asiste. “Dua që ta ruaj, – tha trajneri, – Ansu Fati është kthyer më vonë nga dëmtimi, ndërsa shokët e tij janë stërvitur më shumë. Ne kemi shumë alternativa. Ua kam thënë lojtarëve se nuk është e lehtë të luash tek Barcelona. Nuk e kam të lehtë që të zgjedh formacionin. Gjithsesi, që të gjithë sulmuesit tanë janë shumë të mirë dhe do të kenë mundësi të luajnë”. Barcelona ka 4 pikë pas dy ndeshjeve në La Ligë, duke qenë ende prapa Realit të Madridit, por padyshim që do të luftojë për titullin kampion deri në fund.

Sfidanti.al