Christophe Galtier duhet të paraqitet në një seancë dëgjimore pas dhjetë ditësh pasi autoritetet franceze e akuzuan atë për provokim moral dhe diskriminim etnik, racor apo fetar, për të cilin ai mund të marrë një dënim prej tre vjet burg dhe 45,000 euro. Ndaj tij po dalin prova të reja. Galtier e gjeti veten në qendër të hetimit për aferën e diskriminimit racor gjatë qëndrimit në stolin e Nice. Çështja ishte një e-mail në të cilin Galtier akuzohej nga ish-drejtori sportiv i Nice, Julien Fournier, se kërkonte që asnjë futbollist me ngjyrë apo mysliman të mos luante për Nice. Ai sot është trajner i kampionwve të Katarit, Al Duhail dhe i ka hedhur poshtë këto akuza. L’Equipe ka mësuar se gjatë marrjes në pyetje nga policia, mbrojtësi i Nice, Jean-Clair Todibo ka konfirmuar disa nga ato akuza dhe ka thënë se Galtier i ka kërkuar që të prishë agjërimin gjatë muajit të Ramazanit.

sfidanti.al