Kevin De Bruyne do t’i nënshtrohet nesër një operacioni në Antwerp, duke konfirmuar frikën më të madhe të Napolit. Mesfushori belg ka vendosur të ndërhyjë kirurgjikisht për të zgjidhur problemet fizike që e kanë shqetësuar prej javësh, dhe sipas raportimeve nga Italia, periudha e rikuperimit do të zgjasë të paktën katër muaj.

Lajmi është bërë publik sot pasdite, duke shkaktuar shqetësim të madh në ambientin napolitan, pasi De Bruyne konsiderohej një nga shtyllat kryesore të projektit të ri të skuadrës. Që nga transferimi i tij gjatë verës, lojtari belg kishte dhuruar paraqitje të mira, por problemet muskulare e kanë penguar të arrijë formën optimale.

Operacioni në Belgjikë do të kryhet nga një staf mjekësor i specializuar, dhe Napoli shpreson që rikuperimi të shkojë sipas parashikimeve për ta pasur lojtarin gati në fazën e dytë të sezonit. Mungesa e De Bruynes është një goditje e rëndë për trajnerin e Napolit, i cili do të duhet të rindërtojë mesfushën në mungesë të kreativit dhe përvojës së tij. Tifozët e “të kaltërve” shpresojnë që rikthimi i belgut të ndodhë sa më shpejt, ndërsa ekipi përgatitet për ndeshjet vendimtare të dimrit pa ‘yllin’ e tyre më të madh.

sfidanti.al