Chelsea nuk heq dorë nga Olivier Giroud, të paktën nuk ka ndërmend të privohet prej tij pa përfituar asgjë financiarisht. Në fakt klubi londinez ka aktivizuar opsionin e rinovimit të kontratës së sulmuesit francez deri në verën e vitit 2021, një lëvizje kjo që rezulton një ‘dush I ftohtë’ për Interin që po I gëzohej mundësisë për të nënshkruar me Giroud me parametra zero.

Megjithatë zikaltrit, pavarësisht kësaj do të vazhdojnë të studiojë situaten e Giroud te Chelsea, por duket qartë se ky operacion është komplikuar sepse Blutë kërkojnë të përfitojnë sadopak nga shitja e qendërsulmuesit pas rinovimit të kontratës me të.

Në këtë mënyrë, për Interin tani objektivi kryesor  për ta marrë me parametra zero është Dries Mertens, kontrata e të cilit me Napolin është drejt skadencës, pavarësisht përpjekjeve mes futbollistit dhe De Laurentiis për rinovimin e saj. Interi shpreson që të mos e humbasë as këtë opsion duke qenë se një muaj më parë klubi italian u ‘injorua’ edhe nga Chong që rinovoi në mënyrë surprizë me Manchester United.

Sfidanti.al