Martesa e Hansi Flick me Barcelonën mund të vazhdojë për një kohë të gjatë. Sipas SPORT BILD, drejtuesit e katalanasve janë jashtëzakonisht të kënaqur me performancën e trajnerit gjerman, aq sa kanë filluar tashmë diskutimet për të zgjatur kontratën e tij, e cila skadon në qershor 2027. Flick është në stolin e katalanasve që nga viti 2024.

Ndërkohë, e ardhmja e Robert Lewandowski-t është ende në ajër. Kontrata e sulmuesit skadon në qershorin e ardhshëm dhe një rinovim duket i largët për momentin. Profili i polakut po tërheq interes nga shumë klube dhe thashethemet e kanë lidhur atë madje me AC Milan.

Megjithatë, sipas BBC-së, Chicago Fire ka filluar tashmë diskutimet me sulmuesin për ta transferuar atë në Amerikë menjëherë pas Kupës së Botës. Lewandowski do të mirëpriste një destinacion në SHBA dhe paga e tij nuk do të përbënte problem as për klubin.

sfidanti.al