Natyrisht, nuk është se do të jetë “pa bukë”, pasi Reali merr shpesh atë që do. Për momentin, Fede Valverde ka bërë të harrohen të tjerët, por historitë e dy viteve të fundit kanë qenë të mbushur me lajme për Pol Pogbanë dhe Kristian Eriksenin. Reali bisedoi një herë me presidentin e Totenemit, Daniel Levi, dhe kuptoi se danezin nuk mund ta merrte pa 100 milionë euro. Florentino Perez e cilësoi shifër të lartë, por po ashtu nuk ishte i bindur për Pogbanë. Trajneri Zidan besohet se ishte i gjithi për kampionin e botës, jo për Eriksenin, dhe me gjasë ishte sërish Perez që e ndërpreu ëndrrën e Zizusë. Po ashtu, në Madrid nisën të mendonin për mesfushorin e Ajaksit, Doni Van der Bek që është shumë më i ri sesa danezi, dhe është më shumëanshëm se Erikseni.

Sfidanti.al