“Ne kemi dy topa për të fituar ndeshjen, “Match Points”, dhe unë dua që ta fitojmë titullin që me gjuajtjen e parë”. Kështu u shpreh Niko Kovaç për duelin e fundjavës ndaj Lajpcigut, në të cilin Bajerni mund të shpallet kampion. Ndeshja luhet të shtunën në orën 15:30, në të njëjtën kohë kur Dortmundi pret Dyseldorfin në “Signal Iduna Park”, dhe një fitore do të ishte e mjaftueshme që bavarezët të shpalleshin kampionë, pasi kanë 4 pikë epërsi, ndërsa ka edhe dy javë Bundesligë.

Gjithsesi, Kovaç lajmëroi se në Lajpcig do të shkojë pa Manuel Nojerin e dëmtuar. Kapiteni ka probleme me ligamentin e këmbës, dhe ndonëse është kthyer në stërvitje, ende nuk ka ngarkesën dhe formën e duhur. Përveç numrit 1, pritet të mungojnë Hames Rodrigez dhe Havi Martinez. Për më tepër, tre lojtarë të Bajernit rrezikojnë pezullimin nëse marrin karton të verdhë, dhe këta janë Kimih, Alaba e Tiago Alkantara.

Sfidanti.al