Pak rëndësi ka sporti, në sy ka vetëm fanelën. Diego Armando Maradona nuk ngurron të ndjekë sot Argjentinën, ashtu siç luante në vitet 80-të kundër Anglisë për t’u hakmarrë për luftën e ishujve Malvine (anglezët dëshirojnë t’i quajnë Folklend). Legjenda e madhe e futbollit “e tradhëtoi” për një moment sportin e tij të zemrës, duke ndjekur pas ekipin kombëtar të tenisit në finalen e Kupës Dejvis.
Diego udhëtoi bashkë me të dashurën, Rosio Oliva, dhe pas ndalesës në Mynih, shkuan në Zagreb, ku Argjentina u ndesh me Kroacinë vendase. Çifti u vendos në vendin e prenotuar në zonën VIP të Arenës së Zagrebit, ku nuk mund të mungonte flamuri argjentinas, ndërsa interesimi i mediave ishte i madh. Gjithsesi, fillimi nuk ishte shumë i mirë për patriotin Diego. Marin Çiliç kaloi në avantazh Kroacinë në ndeshjen e parë duke fituar ndaj argjentinasit Frederiko Delbonis, me rezultatin 3-2 (6-3, 7-5, 3-6, 1-6, 6-2).