Karim Benzema vazhdon të tallet me ata që po merren me të dhe të ardhmen e tij
Sulmuesi i Real Madridit, Karim Benzema nuk dëshiron të flitet fare për të në këtë afat kalimtar, pasi është shumë i përkushtuar në Real Madrid.
Ditë më parë ai u tall me presidentin e Napolit, De Laurentiis, të cilin e quajti të çmendur, pas deklaratave të tij se nuk interesohet për francezin, pasi është i vjetër.
Sot, atij i ka dal punë edhe me njërin prej gazetarëve te njohur, Gianluca Di Marzio.
Italiani ka publikuar një lajm ku thotë se përfaqësuesit e Benzemas janë takuar me drejtuesit e Milanit dhe i kanë dhënë fjalën për një lëvizje drejt San Siros.
“Ai (Djaziri) mund të qeshet sa të dojë. Ndoshta nuk do të qeshet aq shumë kur lojtari (Benzema) të ndryshoje agjentin dhe të zbuloje se Karim ka dërguar përfaqësues të tjerë për të folur me Milanin dhe ka folur edhe ai vet me Gattuson. Unë flas vetëm atë të cilën e kam verifikuar”, kishte shkruar Di Marzio.
Për këtë shkrim francezi e ka quajtur italianin gënjeshtar.
”Di Marzio, je ti ai që ke nevojë për një punë, gënjeshtar”