Klubi tetovar, që dje, nxori në shitje bileta për ndeshjen kualifikuese ndaj Milanit italian që do të luhet, më 24 gusht, në stadiumin “Telekom Arena” (Filipi i 2-të) të Shkupit. Kryesia e Shkëndijës vendosi që t’u ofrojë tifozëve dhe dashamirësve të vet çmime popullore biletash që lëvizin nga 400 denarë (1euro = 61,3 denarë) deri në 1000 denarë, në varësi të tribunës dhe të pozicionit në stadium. Në Shkup, në fakt, biletat do të mund të gjenden të hënën.

Klubi i Shkëndijës bëri të ditur se të gjithë tifozët e interesuar mund të blejnë bileta edhe për ndeshjen e 17 gushtit në Milano, përmes uebsajtit zyrtar të Shkëndijes.

Sfidanti.al