Barcelona ka marrë një tjetër përgjigje negative në përpjekjen për të transferuar Rodri nga Manchester City. Sipas RMC Sport, kampionët anglezë kanë refuzuar edhe ofertën e tretë të klubit katalanas për mesfushorin spanjoll.

Manchester City vazhdon të kërkojë 80 milionë euro për fituesin e Kupës së Botës. Barcelona e ka rritur gradualisht ofertën gjatë negociatave mes dy klubeve.  Propozimi i parë ishte rreth 50 milionë euro, ndërsa i dyti arriti në rreth 70 milionë euro. Megjithatë, as oferta e dytë dhe as ajo e tretë nuk kanë mjaftuar për të bindur drejtuesit e Cityt.

Manchester City nuk dëshiron të ulë kërkesat për kartonin e mesfushorit spanjoll. Nga ana tjetër, Rodri e ka bërë të qartë se Barcelona është destinacioni i tij i preferuar. Mesfushori spanjoll e preferon klubin katalanas përpara Real Madridit në rast të largimit nga Anglia. City është i gatshëm të respektojë dëshirën e lojtarit për të ndryshuar ambient, por vetëm nëse plotësohen kushtet financiare.

Bisedimet mes dy klubeve pritet të vazhdojnë gjatë ditëve në vijim. Tashmë topi është në fushën e Barcelonës, e cila duhet të vendosë nëse do ta rrisë ndjeshëm ofertën. Diferenca me kërkesën prej 80 milionë eurosh mbetet pengesa kryesore për transferimin. Saga për Rodrin është ende e hapur, por Barcelona duhet të bëjë një tjetër lëvizje për ta afruar mesfushorin në “Camp Nou”.