Arsenali nuk ka ndërmend të ndalet në merkaton e verës. Trajneri Mikel Arteta ka bërë të ditur se klubi londinez po punon për afrime të tjera të rëndësishme me synimin për ta ngritur skuadrën në një nivel të ri.

Në një intervistë për mediat zyrtare të klubit, tekniku spanjoll zbuloi se drejtuesit e Arsenalit kanë një plan të qartë për përforcimin e ekipit dhe po punojnë intensivisht për realizimin e tij.

“Ne të gjithë e dimë se duam ta çojmë këtë klub në një tjetër nivel. Për ta bërë këtë, na duhet një skuadër më e mirë dhe lojtarë më cilësorë”, deklaroi Arteta.  Trajneri i “Topçinjve” theksoi se janë identifikuar repartet ku skuadra ka nevojë për përmirësime dhe se objektivi është që këto lëvizje të konkretizohen sa më shpejt. Deri tani, Arsenali ka zyrtarizuar afrimet e Christos Tzolis dhe Illan Meslier, ndërsa ka bërë përfundimtare edhe marrëveshjen për Piero Hincapien.

Megjithatë, mediat angleze raportojnë se ambiciet e klubit janë shumë më të mëdha. Në listën e dëshirave përmenden emra si Bruno Guimaraes dhe Vinicius Junior, edhe pse transferimi i yllit brazilian nga Real Madridi mbetet një operacion jashtëzakonisht i vështirë.