Sezoni i MotoGP fillon me një duel që ka shijen e një derbi: Ducati kundër Aprilia me pilotë dhe vendime që mund të ndryshojnë ekuilibrat që nga 2027, ose ndoshta edhe këtë sezon. Pika e fortë mbetet Desmosedici, që vazhdon të jetë motori për t’u mundur. Paketimi teknik i Ducati-t ka imponuar ligjin e tij, duke bërë të kuqen ngjyrën dominante të Kampionatit Botëror. Nga ana tjetër, Aprilia RS-GP nuk është më surprizë, por një realitet. Rekordi i pistës në testet e Buriram që e tejkaloi Bezzecchin Bagnaia-n, e dëshmon këtë dhe tani ekipi në Noale beson vërtet se mund të fitojë.

Lëvizjet e pilotëve janë gjithashtu në qendër të vëmendjes: Pecco Bagnaia do të largohet nga Ducati në fund të 2026 dhe do të bashkohet me projektin e Aprilia-s për katër vite, duke sjellë stilin dhe metodën e tij në ekipin e ri. Ndërkohë, Jorge Martin pritet të kalojë te Yamaha, pas një periudhe të shkurtër me Aprilia-n. Në anën tjetër, Marco Bezzecchi është i fokusuar në të tashmen dhe dëshiron të korrë frytet e projektit që ka besuar që në fillim. Ai mund të jetë rival i fortë për në 2026, ndërsa Pedro Acosta pritet të ngjitet në Ducati pas largimit nga KTM. Quartararo nga Yamaha tek Honda duket gjithashtu një lëvizje e realizuar dhe puzzle-i kryesor i sezonit është pothuajse i kompletuar. Sezoni 2026 do të jetë i mbushur me sfida dhe rivalitete, ndërsa tifozët presin të shohin nëse binomët e rinj do të japin të njëjtin rezultat si viti 2025.

sfidanti.al