Kombëtarja Shpresa do të luajë dy takime miqësore këtë muaj kundër Greqisë dhe Luksemburgut. Ekipi i Alban Bushit do të fillojë në datën 16 përgatitjet dhe këto ditë do të shpallë edhe listën e lojtarëve që do të grumbullojë. Ndërkohë, një emër është zyrtarizuar nga vetë klubi ukrainas, ku Ermir Rashica ka marrë një ftesë nga trajneri i Kombëtares U-21. Ish-sulmuesi i Skënderbeut i cili u transferua një muaj më parë te Metalist, do të jetë nën urdhrat e trajnerit Bushi. Ky i fundit pak kohë më parë rinovoi edhe kontratën me FSHFnë dhe do të jetë në drejtim deri në fund të vitit 2026. Sa u përket takimeve, më 21 mars Shpresat do të sfidojnë Greqinë, me takimin që do të luhet në “Serres Municipal Stadium”, në orën 16:00, 80 kilometra larg Selanikut.

sfidanti.al